Shmanget tragjedia në Gjirokastër, si ndërhynë zjarrfikësit dhe shpëtuan lagjen nga shpërthimi i tre predhave luftarake kineze

Një zjarr i madh ka përfshirë sot një parcelë toke në lagjen “Zinxhiria” të qytetit të Gjirokastrës.

Zjarrfikësit shkuan menjëherë në vendngjarje, duke bërë të mundur shmangien e një situate tragjike që mund të kishte pasoja të rënda në njerëz dhe objekte.

Reparti i zjarrfikëses hasi tre predha luftarake prodhim kinez të pashpërthyera, si dhe një sasi të konsiderueshme municionesh.

Policia dhe grupi i specializuar shkoi në vendngjarje duke evaduar predhat dhe municionet të cilat mund të shkaktonin tragjedi nëse do shpërthenin pasi ndodheshin afër zonës së banuar.