Grupi polifonik i Sarandës që i këndoi Ramës u pagua me 23 mln lekë?! Kryeministri: Janë përralla mediatike

Kryeministri Edi Rama ka folur për një lajm që ka qarkulluar së fundmi në rrjet, ku thuhej se Bashkia e Sarandës kishte paguar një grup polifonik me 23 milionë lekë të vjetra për këndimin ndaj tij në hapjen e tunelit Delvinë-Kardhiq.

Lajmi ishte nje mashtrim i nje media lokale ne Sarande, e cila u sqarua nga bashkia e Sarandes se si qendronte e verteta.

Në lidhje me këtë kreu i qeverisë tha se kjo është një tjetër përrallë e sigurt.

“Është hera e parë që i dëgjoj këto gjëra. E dyta kjo është një tjetër përrallë është pak por e sigurt.

E treta me këtë rast është mirë them unë që ta studioni pak më shumë polifoninë dhe ta studioni më shumë rrugën e polifonisë për të kuptuar që edhe kur bëhet fjalë për referime të caktuara tek persona të caktuar që  nuk ka të bëjë me të kënduarit për mua apo për dikë tjetër, por ka të bëjë me natyrën që ka ai folkor. Sa i përket se çfarë ka paguar Bashkia e Sarandës nuk jam në dijeni.

Nuk jam unë që jap visto se si një bashki i shpenzon të ardhurat e veta. Nëse doni që të ardhurat e bashkisë të shpenzohen ndryshe tani, kandidoni ju dhe shpenzojini si të doni”, tha Rama.