Nisi karrierën në Sarandë, kush është prokurori që çoi në pranga gjyqtaren Enkelejda Hoxha dhe 13 zyrtarë të tjerë

Çoi në pranga gjyqtaren Enkelejda Hoxha dhe 13 zyrtarë të tjerë në Krujë, kush është ‘prokurori trim’ që drejtoi operacionin e SPAK Report Tv ka mësuar se prokurori i cili ka çuar në pranga gjyqtaren Enkelejda Hoxha dhe zyrtarë të tjerë në Gjykatën e Krujës është Altin Dumani. I gjithë operacioni është drejtuar nga ai.

Po kush është Altin Dumani? Në moshë 46-vjeçare, Altin Dumani vjen nga radhët e Prokurorisë së Apelit. Ai është lindur në Shupenzë të Dibrës, dhe njihet si “prokurori i pakompromis”.

Ai është një nga prokurorët që drejtoi i pari njësinë Task Forcë, ngritur vite më parë për të luftuar krimin e jakave të bardha. Ka një karrierë prej 20 vitesh si prokuror, në mars të vitit 1999, ka shkelur për herë të parë në prokurori, me detyrë në Sarandë, ndërsa sot është kreu i komanduar i prokurorisë së Apelit për Krimet e Rënda.

Ai u bë drejtues prokurorie për herë të parë në Tropojë, në vitin 2000, një post sipas Dumanit që u refuzua nga shumë të tjerë për shkak të çështjeve problematike atje. Ai bëri bujë me qëndrimin e akullt që mbajti gjatë gjykimit të 29 të pandehurve të Gërdecit dhe 3 dënimet e përjetshme që kërkoi për tre nga të pandehurit kryesorë të tragjedisë së 15 marsit 2008.