‘Këto janë ndërtuar pa leje në kohën e PD’, Rama “nxehet” me Alket Hysenin: Po leje tashi se e di, e gjitha do prishet!
Kryeministri Edi Rama ka vizituar sot qytetin e Sarandës, për të inspektuar punimet në kantierin e Lungomares së qytetit, e cila është 1.1 km e gjatë dhe këtë vit në verë do të presë turistët e parë.
Rama ka qenë i shoqëruar nga deputeti socialist Alket Hyseni, dhe gjatë rrugës së lungomares ka vënë re disa ndërtesa që i kanë “vrarë” syrin.
Hyseni i tha se janë pa leje që nga koha e PD, por Rama “u nxeh” dhe iu kthye keq, duke dhënë dhe urdhrin për prishjen e tyre.
Rama: Duhet sistemuar kjo këtu, të bëhet siç është për t’u bërë. Po nëqoftëse do bëhet kjo, i bie të ketë shpronësim këtu.
-Kjo është ajo pjesa që të thamën
Rama: Këto janë ndërtuar pa leje me siguri
Hyseni: Po në kohën e PD-së.
Rama: Po leje më tashi në kohën e PD-së, kjo dihet. Kjo e gjitha do të hiqet, dhe aty do të bëhet një zonë e bukur, do të jetë një destinacion turistik fantastik. Dhe palmat mos të hiqen mos i prisni.
