Seanca për kryebashkiakun e Himarës/ Dëshmitari: Unë mbledh kanoçe, më ofruan 10 mijë lekë nëse votoja Fredi Belerin

Zbardhen dëshmitë nga seanca me dyer të mbyllura për çështjen Beleri.

Shefi i komisariatit të Himarës, Ermal Ajdini u shpreh se nga Arsen Rama u njoftua se Fredi Beleri po blinte vota për të fituar në zgjedhjet lokale. Por, arrestimi, sipas tij, nuk u bë menjëherë pasi “kishim dyshime se kishte persona të tjerë të përfshirë”.

Në listën e dëshmitarëve ishte edhe Gligor Mëkuri, që u shpreh në gjykatë se puna e tij është të mbledhë kanoçe dhe as e kishte idenë se emri i tij ishte në listë.

Gligor Mërkuri: Unë mbledh kanoçe, nuk e dija që e kisha emrin në listë. Më thanë që të votoja për Belerin do më jepnin 100 mijë lekë

Ndërsa për gruan dhe mamanë edhe njëqind të tjera. Lekët do m’i jepte Niko Panajoti që e kam të afërt të nënës. Ne nuk i morëm lekët sepse nuk votuam.