Reshjet e shiut, pastrohen gurët e degët e rrëzuara në Llogora
Reshjet e shiut me intensitet mesatar të cilat kanë vazhduar gjatë natës nuk kanë sjellë probleme me qarkullimin e mjeteve.
Autoriteti rrugor shqiptar njoftoi sot se pavarësisht reshjeve, qarkullimi në akset rrugore ka vijuar pa probleme.
Sipas ARRSH-së, në Llogora si pasojë e erës së fortë ka pasur rënie gurësh dhe degë pemësh në trup të rrugës. Kontraktori i mirëmbajtjes me mjete dhe me punëtorë ka bërë pastrimin.
Vazhdon puna për pastrimin në të gjitha akset për të siguruar qarkullim normal.
ARRSH apelon përdoruesit e rrugës të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë.
