Oltion Çaçi takim me komunitetin italian në qytet: Saranda është një mozaik kulturor, një atdhe i dytë

Kandidati Oltion Çaçi, në turin elektoral me banorët, takoi edhe komunitetin italian në qytet duke pohuar se Saranda mikpritëse, është një mozaik kulturor, një atdhe i dytë.

POSTIMI

Saranda është një mozaik kulturor, mikpritëse dhe atdhe i dytë për shumë qytetarë nga vende të ndryshme të botës përfshirë këtu edhe pjesëtarë të komunitetit italian  që jetojnë e punojnë në qytetin tonë duke kontribuar në zhvillimin e tij.

Pata kënaqësinë të ndaj sot me ta pjesë të vizionit tonë për #Sarandën2030 kampione të ligës së turizmit mesdhetar që projekton investime dhe cilësi shërbimi të standardeve europiane

Ju ftoj të gjithëve të bashkoheni me mua në çdo takim dhe event në terren për të mësuar më shumë rreth programit dhe si mund të punojmë së bashku për të ndërtuar një të ardhme premtuese për Sarandën.

Për të mësuar më shumë rreth platformës, gjithashtu vizitoni faqen time zyrtare në oltioncaci.com.