Shpëtim Idrizi tallet me kandidatin e Berishës në Himarë: Flamuri pas tij s’ishte i Vorio Epirit, por vetullat e trasha të Fred Belerit

Shpëtim Idrizi ka reaguar lidhur me deklaratat e Fredi Belerit, bërë sot në një lidhje skype me ABC News.

Idrizi ironizon deklaratat e Belerit lidhur me flamurin e Vorio Epirit gjatë një takimi të këtij të fundit në ishullin Samos të Greqisë, ku nga pas shfaqej flamuri i Vorio Epirit.

“Shqiponja në flamur nuk simbolizon shqiponjën shqiptare, as shqiponjën bizantine. Shqiponja në këtë flamur simbolizon thjesht vetullat e Fredit.” thuhet në një reagim të Idrizit.

Fredi Beleri, kandidati i Foltores në zgjedhjet e 14 majit, i ka dhënë përgjigje akuzave për fushatë me flamurin e Vorio Epirit, për zgjedhjet e 14 majit. Referuar aktivitetit në ishullin Samos të Greqisë, Beleri tha në një lidhje Skype për Abc NeWs se duhet ta kishte hequr, por nuk I kushtoi rëndësi flamurit pas tij.

“Ishte një aktivitet në ishullin Samos, në flamur nuk thotë Vorio Epir, por emrin e fshatit Shën Vasil. Vorio Epiri është një marrëveshje që s’mund të aplikohet sot, sepse ka ligje ndërkombëtare për të drejtat e minoritarëve. Ligji i 2017 mbron të drejtat e minoriteteve, janë në kuadër të shpifjeve, për të më krijuar probleme në kandidimin, që populli të mos më votojë por s’kanë për t’ia arritur.

Unë ftova bashkëfshatarët në Samos të vijnë të votojnë të tregojnë interes për fshatin e tyre. Kur shkon i ftuar s’mund të vesh rregullat e shtëpisë. Për mua ky term nuk ekziston. Publiku të kuptojë, nuk i kushtova rëndësinë që duhet t’i kushtoja flamurit. Duhet ta kisha hequr, edhe pse do isha i pasjellshëm, por ishte një detaj që nuk e vura re.” tha Beleri, ndërsa shtoi se këto janë histori  që po përdoren nga kundërshtarët e tij politikë.

Nër të tjera Beleri u shpreh se më 14 maj Himara do të votojë, për kryetarin që do të menaxhojë bashkinë e Himarës.

“Në 14 maj do votohet kreu që do merret me menaxhimin e bashkisë, nuk zgjidh ai problemet e minoritetit. Nuk kam përdorur këtë retorikë, s më intereson ai term. Dua të sqaroj njerëzit për programin tim, të ndalet shpopullimi I Himarës. Në asnjë program nuk kam thënë e s do bëj se do marr bashkinë për cështjen e minoritetit, kjo cështje është e zgjidhur.