Sarandë, ReLOaD për mjedisin: Partneritetet mes shoqërisë civile dhe qeverisjes vendore

Qendra Jobis, e themeluar dhe e drejtuar nga dy gra, mbështetur nga programi ReLOaD, në bashkëpunim me Bashkinë e Sarandës, po punon për ndërgjegjësimin e bizneseve dhe komunitetit për ndarjen e mbetjeve në burim.

“Për mua kjo ishte risi, ishte hera e parë që ndodhte kështu. Në fund të trajnimit ne kishim arritur ta kishim pothuajse të shkruar të gjithë projektin pasi e kishim diskutuar gjatë ditëve të trajnimit së bashku me trajnerët. Ishte një përgatitje shumë e dobishme për ne e cila do te na sherbente edhe për në vazhdim.”

“Do ta quaja një rritje profesionale të vazhdueshme edhe për mua personalisht por edhe për organizatën. Kemi pasur mundësi të njohim njerëz profesionistë dhe të mësojmë kaq shumë gjëra që nuk i kishim parë në projekte të tjera, që nga informacionet për shkrimin e projektit, raportimit apo komunikimit në mediat sociale.”

“Ne aplikuam për këtë projekt, -thotë Irena, sepse kuptuam se kishte një nevojë urgjente për ndërgjegjësimin dhe edukimin e komunitetit mbi rëndësinë e menaxhimit të mbeturinave në burim”.

“Gjatë takimeve me bizneset, kuptuam se ata nuk kanë informacion se në Sarandë ekziston mundësia e ndarjes së mbetjeve në burim apo se mund të bashkëpunojnë së bashku për ta arritur këtë gjë. Kemi pasur një reagim mjaft pozitiv. Arritëm që nga 52 biznese që takuam, 40 të bindeshin për t’u bërë pjesë e iniciativës sonë. Sigurisht që kishte sfida, disa prej tyre na thoshin se nuk kishin as kohë fizike, as hapësirë apo kapacitet njerëzor për të bërë ndarjen e mbetjeve. Megjithatë, ne u ofruam të bashkëpunonim dhe t’u siguronim atyre kosha riciklimi ose qese, si dhe të dërgonim grumbullues për të mbledhur mbetjet në kohën më të përshtatshme për ta.”

Gjatë takimeve me bizneset

“Të jem e sinqertë, më erdhi fillimisht si ide nga fëmijët e mi. Gjatë projektit të parë që zbatuam për menaxhimin e mbetjeve, kuptova se fëmijët kishin dëgjuar për riciklimin vetëm nëpër filma vizatimorë. Kështu, vendosa t’i marr me vete dhe t’u tregoj të gjithë procesin që nga ndarja tek mbledhja dhe ripërdorimi në jetën e vërtet. Madje, i çova edhe në një qendër riciklimi. Aty kuptova se sa të interesuar ishin ata, jo vetëm për të përvetësuar informacionin, por edhe për ta ndarë ate me bashkëmoshatarët e tyre. Kështu fillova të mendoj mbi rëndësinë e punës me fëmijët për riciklimin.”

Gjatë takimeve në kopshte dhe shkolla

“Në plan afatgjatë, ndjehesh mirë kur ti kontribuon për qytetin tënd, për vendin ku jeton dhe ku rrit fëmijët e tu. Ndjehesh krenare sepse ke bërë diçka për qytetin”.