FOTOT/ Dua Lipa rikthehet të shijojë pushimet në Sarandë

Këngëtarja shqiptare e famë botërore, Dua Lipa, performoi në festivalin “Sunny Hill” në Kosovë, i cili u mbajt nga data 4 deri në 7 gusht.

Ajo elektrizoi skenën me hitet e saj më të dëgjuara, ndërsa tha se ndihet krenare që u kthye në vendin e saj të origjinës.

Së fundmi Dua Lipa është duke shijuar disa ditë pushime në një nga resortet në qytetin e Sarandës. Ajo ka publikuar disa foto nga pushimet në qytetin bregdetar, ku shfaqet në krah të mikeshave të saj.

Kjo nuk është hera e parë që këngëtarja viziton Sarandën , pasi në 2020  ajo së bashku me familjen pushuan në Sarandë.