Ambasada greke dhuron teste anti-COVID falas, të gjithë banorët e moshuar të Finiqit mund të testohen pa paguar

Që prej ditës së djeshme, banorët e moshuar në bashkinë e Finiqit mund të testohen falas për COVID-19.

Ambasada greke në Tiranë ka dhuruar teste falas për bashkinë minoritare, për të parandaluar përhapjen e virusit.

Kryetari i Bashkisë Finiq Kristo Kiço është shprehur se ky proces do të jetë një ndihmesë për banorët e zonës të cilët janë në shumicë të tyre të moshuar.

Procesi i testimit do të kryhet në qendër të fshatrave, ku janë vendosur dhe autoambulancat.