VËZHGIMI/ Sarandë e “heshtur”, bizneset respektojnë vendimin për mbylljen e muzikës

Qeveria shqiptare vendosi që pas orës 20:00 të mbyllë diskot dhe të ndalojë muzikën, si masë parandaluese ndaj Covid-19.

Një vendim që nuk u prit aspak mirë nga biznesi, të cilët e kundërshtuan fort këtë vendim të qeverisë, duke kërkuar reflektim.

Madje, u organizuan edhe protesta me moton “Muzika nuk vret”, duke pasur pasur edhe përplasje me policinë.

Megjithatë, deri në një vendim të dytë diskot dhe muzika do jetë e ndalur si në Sarandë ashtu edhe në gjithë Shqipërinë.

Në një vëzhgim të kryer nga Sarandanews.com në vendet me muzikë në qytet, vendimi i qeverisë është respektuar.

Menjëherë sapo akrepat e orës shkojnë 20:00 muzika ndalet, ndërkohë që edhe diskot e qytetit qëndrojnë të hapura, por shërbejnë vetëm si bar, duke respektuar distancimin social.

Edhe pse ata nuk e pranojnë diçka të tillë, pasi ka një ndikim të fortë në ekonominë e tyre.

Ata kërkojnë që qeveria të rishikojë vendimin dhe të lejojë muzikën. /Sarandanews.com/