Ndryshimet në Statutin e PS, kryetarët e Bashkive dhe Këshillave të Qarqeve në Asamblenë Kombëtare

Gjatë ditës së sotme janë zhvilluar punimet e Kongresit të Partisë Socialiste.

Një nga pikat e rendit të ditës në Kongres ishin disa ndryshime në Statutin e Partisë, mes të tjerave edhe përbërja e Asamblesë Kombëtare.

Erion Veliaj dhe kryetarët e Bashkive futen automatikisht, ndërkohë dhe kryetarët e Këshillave të Qarqeve janë konfirmuar që do të jenë në Asamblenë Socialiste.

Sipas pikës dy të nenit 36 të draft-Statutit thuhet:

“Anëtarë ex-officio të Asamblesë Kombëtare të partisë janë: Kryetari i Partisë, deputetët dhe ministrat anëtar partie, kryetarët e partisë së bashkive, kryetarët e bashkive anëtar partie, kryetarët e këshillave të qarqeve anëtar partie, kryetari i FRESSH dhe kryetarja e FGSSH si dhe anëtar që kanë pasur mandat të kryetarit të partisë, të presidentit, kryeministrit dhe kryetarit të Kuvendit.”

Po sot në Kongres janë votuar edhe emrat e tjerë që do të zgjidhen për anëtarë të Asamblesë Kombëtare.