Gafa: Si u çmendën krerët e shtetit në Kosovë, për njohjen nga Xhamajka

Kryeministri Albin Kurti dhe ministri i tij i jashtëm, Glauk Konjufca folën plot pathos: ““Një vend i rëndësishëm i Karaibeve dhe një pjesë e rëndësishme e Kombeve të Komonuelthit njohën zyrtarisht Republikën e Kosova”. “Një fillim i mbarë i vitit 2020 për diplomacinë e Kosovës dhe qeverinë e re”, shkruajti Kurti në Tëitter.

Si për tatin e tij të keq për tu ndodhur në vendin e gabuar dhe pranë Gafave edhe ministri shqiptar gent Cakaj që ishte për vizitë në Prishtinë e përshëndeti marëveshjen: “Xhamajka tashmë ka njohur pavarësinë e Republikës së Kosovës. Ky veprim shënon jo vetëm një moment të ri në kapitullin e marrëdhënieve mes Kosovës e Xhamajkës por edhe rikonfirmon se kauza e drejtë e shtetit të Kosovës vazhdon të jetë shumë e fuqishme në arenën ndërkombëtare”, tha Cakaj.

Pas nuk mbetën në këtë garë të çmendur as ish qeveritarët.

I ftuar mbrëmë në emisionin “Zona B” të Klan Kosovës, Ramush haradinaj tha se për njohjen e ardhur nga Xhamajka kishte punuar në mënyrë intensive. Madje Haradinaj thoshte se pritet të vijnë edhe dy apo tri njohje të tjera nga shtete të mëdha, por që nuk dëshiron t’i zbulojë.

“Kjo njohje që ka ardhë sot nga Xhamajka, qysh janë edhe nja 2-3 njohje tjera qe kem punu intensivisht me ardhë, do të vijnë. Pra njohja e Xhamajkës sot, edhe njohjet e 2-3 vendeve shumë të mëdha , po s’kem guxu me ardhë. Po nuk flasim para se me ardhë për shkak të ndërhyrjes së Serbisë, janë punu me vite”, ka thënë Haradinaj.

Pa e konfirmuar zyrtarisht, të gjithë iu gëzuan lajmit për njohjen nga shteti i Xhamajkas. Të gjithë të lumtur nga njënjoftim i Thaçit në Tëitter, morën guximin për ta falënderuar këtë shtet për njohje. Por pa kaluar disa orë, njoftimi i presidentit doli të jetë gënjeshtër.

Ishte pikërisht ministrja e punëve të jashtme e këtij shteti Kamina Smish, që e përgënjeshtroi atë. “Deri më sot Xhamajka nuk e ka njohur Kosovën”, ka shkruar ajo.

Dhe menjëherëv për këtë amatorizëm politikanët filluan të kërkojnë fajtorin që u gjet tek ambasadorja e Kosovës në SHBA, Vlora Çitaku. I pari përgjegjësinë nga vetja e hoqi Hashim Thaçi me një njoftim të zyrës së tij të shtypit: “Zyra e Presidentit të Republikës së Kosovës është njoftuar mbrëmë zyrtarisht nga Ambasadorja e Kosovës në Uashington, Vlora Çitaku, për njohjen nga shteti i Xhamajkës. Të njëjtin njoftim, ambasadorja e ka dërguar edhe në Zyrën e Kryeministrit dhe të Ministrit të Punëve të Jashtme. Presidenti këtë njoftim e ka bërë publik përmes profilit të tij në Tëitter. Për informacione tjera, luteni t’i drejtoheni Ministrisë së Punëve të Jashtme”, thuhet në përgjigjen e Zyrës së Informimit të Presidencës. Pastaj ministri i jashtëm Konjufca shkroi: ‘Mbrëmë, Ambasadorja e Republikës së Kosovës në Shtetet e Bashkuara të Amerikës, znj. Vlora Çitaku, përmes postës elektronike e ka njoftuar Ministrinë e Punëve të Jashtme dhe Diasporës për njohjen nga Xhamajka. Si Ministër i Punëve të Jashtme dhe Diasporës, pas shqyrtimit të situatës, shumë shpejt do të ndërmarrë veprime në përputhje me përgjegjësitë e secilit”, shkroi Konjufca.