Romeo Çakuli takohet me banorët e fshatrave Vagalat dhe Fanar: Ja fokusi i bisedimeve
Kandidati i MEGA-PS për bashkinë e Finiqit, Romeo Çakuli, ka bashkëbiseduar me banorët e fshatrave Vagalat dhe Fanar.
Banorët e këtyre dy fshatrave kanë treguar mbështetjen e tyre për kandidatin Romeo Çakuli, ku dhe kanë biseduar për kandidatin për shqetësimet e tyre.
Çakuli ka premtuar zgjidhje të çdo problematike dhe ndërhyrjen për përmirësimin e këtyre dy fshatrave.
Vizitova fshatin Vagaliati, duke pasur në krah presidentin e Partisë MEGA dhe kryetarin aktual të bashkisë Finiq, z. Christo Kitso, presidentin e Këshillit Bashkiak të Finiqit, z. Ziso Nasio dhe shumë kolegë të mi të shquar.
Fillimisht banorët shprehën falënderime ndaj kryetarit aktual si për shtrimin e asfaltit, në hyrje të fshatit, edhe për rikonstruksionin e sheshit që do të bëhet së shpejti pas miratimit të fondit.
Gjithsesi, ka disa probleme, të cilat kërkojnë të zgjidhen, siç është regjistrimi i tokës, për të cilin premtova një takim të menjëhershëm me menaxherin e regjistrit të tokës para zgjedhjeve.
Në fokus ishin edhe siguria e banorëve, vjedhjet e përsëritura dhe përforcimi i mëtejshëm i masave policore”, u shpreh Çakuli para banorëve të fshatit Vagalat.
Në vijim me takimet me banorët e fshatit Fanar Çakuli theksoi:
“Në fshatin Fanar, mes miqsh dhe kolegësh të mirë, që më kanë bërë një pritje shumë të ngrohtë, duke krijuar një unazë të fortë besimi, duke marrë shumë nga dashuria e tyre ndaj meje.
Diskutuam dhe evidentuam problematika që i shqetësojnë, si maketi i sheshit qendror, regjistri i tokave, mirëmbajtja dhe ndërtimi i rrjetit të brendshëm rrugor, “zhbllokimi” i dinamikës së përgjithshme zhvillimore të komunës sonë”, përfundoi postimin e tij kandidati për bashkinë e Finiqit Romeo Çakuli që është më i preferuar dhe i avantazhuari në sondazhe për të drejtuar këtë bashki pas datës 14 maj.
