Alibeaj prezanton Skëndër Muçon si kandidat të PD në Sarandë

Skender Muço është prezantuar sot me strukturat e degës, si kandidati për kryetar bashkie në Sarandë nën siglën e PD.

Prezantimi u bë gjatë një takimi në Sarandë nga kryetari i grupit parlamentar të PD, Enkelejd Alibeaj, i cili e cilësoi “Kampion për bashkinë Sarandë”.

Muço është i njohur veçse si një sportist i madh, pjesë e një familje kampionësh në not, gjithashtu edhe për kontributin e tij qytetar.

Ai është i martuar dhe baba i tre fëmijëve dhe prej disa vitesh një biznesmen i suksesshëm.