‘Dua leje t’i shërbej mamasë’, Rama telefonon Zamirën nga Gjirokastra: Do marr kryetarin e bashkisë të të sqarojë

Kryeministri Edi Rama vijon komunikimin e tij të përnatshëm duke telefonuar vetë qytetarët që shpreshi ankesa tek platforma e bashkëqeverisjes.

Mbrëmjen e sotme një prej telefonatave ishte në Gjirokastër tek një zonjë, Zamira Mëhilli.

Ajo kërkonte të pajisej me leje për të dalë nga pallati i saj e për të shkuar tek banesa e nënës për t’i shërbyer.

Rama i tha se nuk e ndalon njeri për këtë gjë dhe se lejen e ka në xhep, por më tepër sqarime do t’i bëjë kryetari i bashkisë.