Sarandë, koncert trigjuhësh në skenën e shëtitores

Skena e vendosur në shetitore gati për çdo mbrëmje ka tani koncerte e performanca të artistëve lokalë e të ftuar.

Ato sjelllin ofertën e tyre artistike, që shoqëron pushimet në netët e sezonit turistik. “Rikthimi” titullohej koncerti recital i sopranos Luljeta Strefi Polumbo, që u dha lëtë fundjavë, i mbështetur nga Bashkia e Sarandës.

Publiku vendas dhe turistët që janë duke pushuar në qytetin e Sarandës, e ndoqën me shumë interes dhe e pritën me ngrohtësi koncertin e këngëtares.

Kjo, edhe për faktin se ajo interpretoi me pathos mjaft këngë të njohura e të dashura nga fondi i muzikës shqiptare, por edhe sepse repertori i saj kishte këngë të zgjedhura të muzikës greke e asaj italiane, me të cilat ia doli të mbajë të mbërthyer publikun.

Luljeta Strefi ka qenë edhe herë të tjera në skenën e Sarandës e kjo shprehej edhe me titullin “Rikthimi”, të koncertit të saj në këtë meskorriku.

Drejtor artistik ishte napolitani Giuseppe Polumbo.

Koncerti u moderua nga Pranvera Brinja, artiste sarandiote.