Sarandë, policia sekuestron dhe zhduk armën e gjahut, polici: Të fus shtatë pashë nën dhe

Jemi në Sarandë, pasi të moshuarit Sotir Koloi, i është sekuestruar arma e gjahut nga policia, pas një sherri familjar,por ende nuk gjen një procesverbal për këtë akt dhe as armën.

Sotiri takon ish kryeplakun e fshatit dhe ky i fundit tregon, se ishte prezent, kur policia mori armën.

I moshuari i drejtohet komisariatit të policisë, ku deklaron se arma i është sekuestruar nga Petrit Kapaj, apo Peco, sic njihet në zonë.

Gjatë kohës, që endej në kërkim të armës së gjahut, i moshuari Sotir Koloi ndërron jetë dhe një i afërm i tij interesohet për këtë objekt, duke telefonuar policin Petrit ose Peco Kapaj.

Pas telefonatës, të dy personazhet takohen dhe Peco Kapaj deklaron, se arma e gjahur është marrë nga Gjergji Tole dhe Vero Lima.