Alket Hyseni bashkëbisedim me të rinjtë në Sarandë: Të gjithë së bashku, për një mandat të tretë të PS për projektet e nisura dhe të rejat

Deputeti socialist Alket Hyseni së bashku me një grup të rinjsh nga Saranda ka drejtuar një bashkëbisedim me mediat lokale dhe kombëtare. Çdo energji pozitive, me shpirt dhe zemër, shkruan Hyseni dhe të gjithë së bashku për një mandat të tretë të PS për të përfunduar projektet e nisura dhe për projektet e reja.

“Nën shoqërinë e një grupi fantastik të rinjsh nga Saranda, patëm një bashkëbisedim me mediat lokale dhe kombëtare, në shëtitoren e re që po merr shtat çdo ditë, si një gjerdan me gurë të çmuar për Sarandën.
Çdo energji pozitive, me shpirt dhe zemër, të gjithë së bashku, për një mandat të tretë të PS? që të përfundojmë projektet e nisura dhe të nisim projekte të reja, për qytetin e ëndrrave tona dhe fëmijëve tanë, për Sarandën❤️ që duam.
✔️ Çdo votë për Nr. 12 PS?
✔️ Çdo votë për Nr. 8 Edi Rama”, shkruan Hyseni.

“Bashkë me një grup të rinjsh studentë të Sarandës donim që të dilnim përballë mediave sot për të bashkëbiseduar. Bashkëbisedim mbi një vend të bukur, në këtë gjerdan të Sarandës, në shëtitoren e re, që po merr formë të re në Sarandë. Me pisha dhe palma, siç kishin njerëzit merak. Me një ambient të konceptuar me finesë, e lidhur me shkallaret e Sarandës, që e kanë personifikuar si qytet. Së shpejti do të nisim rrugën e dytë. Është përmbyllur edhe rruga e 5. Kemi hapur fondit dhe kanë nisur punimet për rrugën nga ‘Varrezat e Dëshmorëve’ deri në Çukë, për t’i dhënë fund trafikut, për të cilin jemi bërë dëshmitarë në sezonin e verës. Krenohemi me maternitetin dhe Spitalin. Krenohemi me hyrjen e Sarandës, pasi është dinjitoze, është me pemë, me gjerësinë e duhur. Para 4 viteve premtuam se Saranda do të afrohet me Tiranën, Prishtinë, Tetovën, Podgoricën, me tregun e Europës dhe do të afrohen aeroporte dhe do të shtohen ato. Ne premtojmë se Krishtlindjet në Sarandë do t’i bëjmë duke ardhur nga tuneli i Skërficës. Bashkë me kryeministrin Edi Rama dhe deputetët e Sarandës, kemi bërë për këtë qytet punë që nuk ishin bërë në 20 e ca vite tranzicion. Punë ditësh do të inaugurohet ujësjellësi i qytetit të Delvinës. Sot qendrat e të gjitha bashkive të rrethit të Sarandës, janë të reja. Kemi bërë Unazën e Konispolit. Sot është duke përfunduar investimi në fushën e vaditjes, 12 mln dollarë. Nisi para një viti dhe është mbyllur në kohë rekord. Po punohet në Delvinë në disa projekte. Janë bërë me dhjetra rrugë dhe rrugica në Sarandë dhe të trija bashkitë e tjera. Janë bërë dhjetra rrugë në fshatra”, tha Hyseni për mediat.