ZYRTARE! Mutacioni britanik i COVID-19 qarkullon në Shqipëri

Virusi britanik ka mbërritur dhe në vendin tonë, kjo është konfirmuar pas analizave që ISHP ka çuar për tu studiuar në Ankara. Lajmin e bëri të ditur ministrja e shëndetësisë Ogerta Manastirliu.

Sipas Manastirliut, ky zbulim vërteton dhe dyshimet e ekspertëve shqiptarë, se agresiviteti i virusit dhe rritja e transmetueshmërisë, lidhet pikërisht me variantin e ri të Covidit.

“Në vlerësimin e situatës janar-shkurt janë analizuar kampione, laboratori ka përdorur kite specifike dhe në këtë rast ISHP ka bashkëpunuar me Ankaranë. Rezultet treguan se kampionet ishin infektuar me mutacionin britanik. Varianti është në qarkullim në më shumë se 70%.

Dyshimet e arsyeshme që ekspertët patën që në momentin që filloi rritja e infektimeve, tashmë është e konfirmuar. Shqipëria ka në qarkullim edhe këtë mutacion”, u shpreh Manasterliu.