Denaj, takime me biznesin në Sarandë/ Fiskalizimi, ndihmë edhe sektorit të tregtimit të materialeve të ndërtimit

Ministrja e Financave dhe Ekonomisë, Anila Denaj ka zhvilluar sot një takim me biznesin në Sarandë.

Lajmi bëhet i ditur nga ministrja Denaj e cila shprehet se ka diskutuar procesin e Fiskalizimit.

Pas takimit me biznesin e materialeve të ndërtimit, ministrja e Financave dhe Ekonomisë, Anila Denaj u shpreh se Fiskalizimi do ta ndihmojë edhe këtë sektor.

“Përparimi ka ngritur një sipërmarrje të suksesshme në fushën e tregtimit të materialeve të ndërtimit e cila ka vijuar aktivitetin pavarësisht pandemisë. Fiskalizimi do ta ndihmojë edhe këtë sektor, për të përmirësuar raportimin e transaksioneve në kohë reale”, tha ajo.

Ajo informoi se me kryetarin ebBashkisë ka biseduar për mundësitë që ka sektori për t’u zhvilluar më tej.