Refuzuan të kryenin testin, kapen dy “agjentët sekretë” grekë në Kakavijë

Dy shtetas grekë nga Athina janë a.rrestuar në Kakavije nga Policia Greke pasi kanë refuzuar të kryejnë testin pranë autoriteteve shëndetësore greke. Dy grekët ishin 43 dhe 44 vjecarë dhe vinin nga Shqipëria ku një ditë më parë kishin hyrë në territorin shqiptar arsyet e të cilës ngelen mister.

Dy grekët nga Athina sot kërkonin të hynin në Greqi pa patur PCR testin.

Momentin që autoritetet greke kanë kërkuar bërjen e testit të COVID-19, ata e kanë refuzuar dhe madje janë prezantuar si operativ të Agjencisë së Shërbimit Sekret Grek që kishin mbaruar një punë në Shqipëri.

Kjo u ka kushtuar atyre ndalimin pasi autoritetet policore helene kanë rrëzuar pretendimin e tyre duke dalë zbuluar gënjeshtra e tyre. Rrjedhimisht mbi ta rëndon akuza e përdorimit të paautorizuar të të dhënave, rrezikshmëri të përhapjes së Covid-19 dhe posedim të lëndëve na.rkotike pasi i janë gjetur doza ci.gare ka.nabisi.

Materialet i kaluan Prokurorisë së Janinës ndërkohë që mësohet se para pak minutash janë lënë të lirë me garanci pasurore prej 5 mije euro secili.