Peshkatarët e Sarandës kërkojnë zgjidhje, Ina Zhupa me Matilda Qurkun premtojnë subvencione dhe modernizim

Kandidatja për deputete e Partisë Demokratike, Ina Zhupa, së bashku me Matilda Qurkun, kanë zhvilluar një takim me peshkatarët e Sarandës, duke dëgjuar shqetësimet e tyre dhe duke prezantuar zgjidhjet që ofron PD.

Sipas Zhupës, peshkatarët janë lënë në harresë nga qeveria, me probleme që vetëm përkeqësohen me kalimin e viteve. Një nga shqetësimet kryesore është çmimi i naftës, ku anijet e peshkimit paguajnë më shtrenjtë se jahtet luksoze. PD premton subvencionimin e naftës për peshkatarët në të njëjtin nivel si për fermerët.

Ndër pikat kryesore të programit të PD për këtë sektor janë:

✅ Subvencionimi i karburantit për anijet e peshkimit.

✅ Përdorimi i fondeve IPARD për të ndihmuar peshkatarët.

✅ Lehtësira për marrjen e kredive bankare, duke subvencionuar deri në 80% të normës së interesit për pajisje dhe modernizim të flotës.

✅ Ruajtja dhe modernizimi i molit të Sarandës, duke e kthyer atë në një strukturë funksionale për peshkatarët dhe jo për interesa klienteliste.

“Këtë herë, peshkatarët nuk do të lejojnë që ne të mbetemi vetëm opozitë, por do të zgjedhin programin tonë,” u shpreh Zhupa.