Vlorë, Gjiknuri takim me të rinjtë e Rajonit nr. 2: Vota për PS, votë për të ardhmen

Kandidati i Partisë Socialiste Damian Gjiknuri, shoqëruar nga kryetari i FRESSH Vlorë, Indrit Grabova, zhvilloi një takim me të rejat dhe të rinjtë socialistë të Rajonit Nr.2 Vlorë, nën një atmosferë shumë energjike siç janë vet të rinjtë.

Kryetari i FRESSH Vlorë, Indrit Grabova, në fjalën e tij përshëndetëse pohoi se, “Kandidimi i Gjiknurit është një rëndësi e shtuar për Rajonin 2. Është kënaqësi që të rinjtë e Qarkut të Vlorës kanë në listën e përfaqësimit Damian Gjiknurin, atë që në Vlorë e ka treguar me punën e tij se, gjithmonë ka qenë mbështetje jo vetëm për qytetarët e Vlorës por edhe për të rinjtë duke përçuar më tej zërin e tyre”.

Vet kandidati Gjiknuri, duke iu referuar energjisë rinore, pohoi se: “Jam i bindur që edhe kjo fushatë, nëse rinia përfshihet, do të ketë një rezultat spektakolar”.
Gjiknur i cilësoi të rinjtë si e ardhmja e vendit, ndërsa theksoi se “Vlora është e të rinjëve, të cilët do të kenë mundësi të shohin dhe të jetojnë ndryshimet e jashtëzakonshme që kanë ardhur dhe shumë të tjera që do të vijnë, si rezultat i qeverisjes së Partisë Socialiste. Ju jeni rinia europiane, të cilët, bashkë me të rinjtë që në këto zgjedhje elektorale votojnë për herë të parë, do të keni mundësinë që të jeni shtetas në Bashkimin Europian”.

Damian Gjiknuri iu drejtua të rinjëve me ftesën për të vijuar të besojnë tek ajo çfarë ofron Partia Socialiste
“Nëse doni një të ardhme më të mirë për veten dhe për njëri-tjetrin, votoni për Partinë Socialiste”, theksoi kandidati Damian Gjiknuri.