Ilia Cero dhe dashuria e përjetshme për detin: 35 vjet pranë ‘mjekut të famshëm'”
Nga Shpresa Dine & Vladimir Kodhelaj
Ilia Cero, 73 vjeç, nga fshati Mursi i Konispolit, është një dashamirës i pasionuar i detit.
Prej më shumë se 35 vitesh, ai nuk i është ndarë ujërave të pastra dhe freskuese të Jonit, duke i frekuentuar në çdo stinë të vitit.
Për të, deti nuk është thjesht një vend për relaks, por një burim shëndeti dhe harmonie me natyrën.
Ai beson se kjo lidhje e fortë me detin i ka përmirësuar ndjeshëm mirëqenien dhe e ka bërë më vital.
Sa herë që dielli shfaqet në horizont, Ilia gjendet në Sarandë, herë i vetëm dhe shpesh me familjen, për të shijuar ujin e kristaltë dhe efektet e tij kurative.
Ai u bën thirrje të rinjve të ndjekin shembullin e tij dhe të gjejnë kohën dhe mundësinë për të qenë pranë “mjekut të famshëm” – detit. Për Ilian, deti nuk është vetëm një pasion, por një mënyrë jetese që i ka dhënë energji dhe vitalitet për dekada të tëra.
