Anila Denaj dhe Ergest Dule në Janinë: Diaspora duhet të ketë zë në zgjedhjet e 11 Majit

Deputetja e Partisë Socialiste, Anila Denaj, zhvilloi një takim në Janinë me bashkatdhetarët shqiptarë, ku diskutoi për të drejtën e votës për diasporën. E shoqëruar nga kryetari i bashkise se Konispolit Ergest Dule, Denaj theksoi rëndësinë e pjesëmarrjes së diasporës në proceset zgjedhore dhe angazhimin për përmbushjen e këtij synimi.

Gjatë fjalës së saj, Denaj u shpreh se zgjedhjet e 11 majit janë një moment kyç për vizionin e Partisë Socialiste drejt #Shqipëria2030, duke nënvizuar rëndësinë e përfshirjes së çdo qytetari shqiptar, kudo që ndodhet, në vendimmarrjet politike të vendit. Takimi u karakterizua nga një dialog i hapur me diasporën, ku u diskutuan sfidat dhe mundësitë për realizimin e të drejtës së votës për shqiptarët jashtë kufijve.

Pjesëmarrësit në takim shprehën interesin e tyre për këtë çështje dhe kërkuan më shumë hapa konkretë për të siguruar që zëri i diasporës të dëgjohet dhe të ketë ndikim në proceset demokratike të Shqipërisë. Ky takim konsiderohet si pjesë e përpjekjeve të Partisë Socialiste për të forcuar lidhjet me komunitetet shqiptare jashtë vendit dhe për të garantuar të drejtat e tyre kushtetuese.