17 studentë nga shkolla e Konispolit në Universitetet Turke

Nga Thoma Nika

Është një histori mbështetjeje 10-vjeçare e Fondacionit turk ALSAR, me shkollën “Bido Sejko” të Konispolit.

Një nga mundësitë më të vlerësuara nga drejtoresha e kësaj shkolle Bukuri Braho, është tërheqja e nxënësve që mbarojnë shkollën e Konispolit, për të ndjekur universitetet në Turqi.

Sipas saj, janë 17 ish-nxënës të kësaj shkolle, që kanë aplikuar vite më parë dhe tani janë studentë të universiteteve turke, në profilet e preferuara.

Mbështetja e fondacionit Alsar ka qenë në vijimësi, e konkretizuar edhe me bazë didaktike bashkëkohore për cilësi në mësimdhënie.

Drejtorja Braho thotë se nga vijueshmëria e studimeve prej tyre, kanë njoftime të mira. Gerjol Zejno, një prej ish-gjimnazistëve të “Bido Sejkos”, është kandidat për pedagog në një nga universitetet e Turqisë.

Një lehtësi më shumë, për të qenë të parapërgatitur për të ndjekur shkollat turke pas shkollës së mesme “Bido Sejko”, konsiderohet ofrimi falas i kurseve në gjuhën turke, organizuar sipas dëshirës dhe pas mësimit. nga Alsar.