Rrëfimet frymëzuese e të rinjve nga Konispoli që drejtojnë sipërmarrjet e ngritura

Në Konispolin e bukur e me njerëz punëtorë, ku historitë e suksesit janë të shumta sa në plantacionet me agrume të Xarrës ashtu edhe te prodhimi i djathit “Butrinti” me shije unike në Shkallë.

Plot frymëzim rrëfimet e të rinjve si Gildjan Mulla, Sojal Muço, Thoma Buzuqi e Franc Bakalli që drejtojnë tashmë sipërmarrjet e ngritura nga familjet e tyre dhe po investojnë për t’u zgjeruar më tej e për të zhvilluar ekonominë në fshat.

Pasi kanë përfunduar studimet janë rikthyer në vendlindje me plot bindje se bujqësia, blegtoria, agropërpunimi dhe agroturizmi ofrojnë potenciale të jashtëzakonshme për të siguruar të ardhura të mira për familjen e për të pasur këtu një të ardhme të sigurt.