Romeo Çakuli mesazh falenderimi banorëve të Finiqit: Nisim së bashku projektet e premtuara për zhvillimin e bashkisë sonë

Kryetari i ardhshëm i bashkisë së Finiqit, Romeo Çakuli, ka përcjellë një mesazh falenderimi për të gjithë banorët e kësaj bashkie që i dhanë besimin të jetë kryetar i tyre për katër vitetet e ardhshme.

“Të dashur bashkëqytetarë të bashkisë së Finiqit!

Me 14 maj mes tre kandidatëve më dhatë besimin të udhëheq bashkinë e Finiqit për mandatin katër vjeçar 2023-2027 si përfaqësues i Partisë  MEGA.

Ju falenderojë nga zemra dhe zotohem se premtimet që ju kam dhënë në takimet tona parazgjedhore do të kryhen vazhdimisht dhe do të përpiqem shumë për t’i zbatuar ato.

Në bashkinë tonë ka disa probleme që duan zgjidhje. Dhe zgjidhjet vijnë kur mobilizohemi të gjithë  në favor të zhvillimit dhe, mbi të gjitha, në favor të kohezionit social.

Disa i konsiderojnë dhe duan t’i kthejnë zgjedhjet në luftë, duke shpallur armiq dhe tradhtarë. Nuk jam gati të bie në kurth. Për mua të dy kandidatët e tjerë janë si vëllezërit e mi dhe ata që më votuan kundër do ti dua.

Unë i vlerësoj të gjithë dhe do të doja t’i shfrytëzoja këto katër vjet në dobi të komuniteteve tona.

E vlerësoj të mirën e bërë nga kryetarët e mëparshëm dhe do fokusohem tek projekti im duke u fokusuar kryesisht në investime të rëndësishme dhe infrastrukturë që do të lehtësojë riatdhesimin.

Finiqi është shtëpia jonë”, shkruan në mesazhin e tij kandidati fitues i bashkisë së Finiqit Romeo Çakuli.