Qyteti i Sarandës, vendi i harmonisë dhe bashkëjetesës fetare.

Nga Arian Balani

Jemi ndër të rrallat vende në botë, ku harmonia dhe bashkëjetesa fetare, janë festa të bekuara, ku bashkojnë dhe vëllazërojnë njerëzit dhe komunitetet e ndryshme fetare. Kjo është më e prekëshme këtu në qytetin e Sarandës.

Një kolazh i bukur festash, ku të gjithë njerëzit urojnë njëri-tjetrin, pamvarësisht se kujt besimi fetar i përket.

Urimet nisin me festën e sulltan Nevruzit, me besimtarët e fesë Bektashjane, vijojnë me ditët e bekuara të fesë muslimane në muajin e adhërueshëm të Ramazanit dhe festën e bukur të Pashkës me besimtarët ortodoksë.

Rrugët e Sarandë janë të gjallëruara nga lëvizjet e shumta. Kanë ardhur shumë emigrantë nga vëndet fqinje për të festuar e gëzuar në familjet e tyre.

Nesër është festa e bukur e Pashkës.

Gëzuar të gjithë besimtarëve ortodoksë këtë festë të shenjtë.

Mbarësi dhe begati secilit në shtëpinë e tij!