Komisariati i Sarandës: Kemi nevojë për një ndihmës, Specialist i teknologjisë dhe informacionit

Drejtoria Vendore e Policisë Vlorë njofton:

Hapen aplikimet për pranim në funksionin ndihmës, Specialist i teknologjisë dhe informacionit/personeli, në Seksionin e Shërbimeve Mbështetëse dhe Administratës, në Komisariatin e Policisë Sarandë, në Drejtorinë e Vendore të Policisë Vlorë.

Aplikimet fillojnë më datë 26.04.2023 dhe përfundojnë më datë 02.05.2023.

Aplikimet bëhen në Sektorin e Burimeve Njerëzore dhe Trajnimeve, në Drejtorinë Vendore të Policisë Vlorë.

Kriteret e pranimit në funksionin ndihmës,, Specialist i teknologjisë dhe informacionit/personeli, në Seksionin e Shërbimeve Mbështetëse dhe Administratës, në Komisariatin e Policisë Sarandë, në Drejtorinë e Vendore të Policisë Vlorë janë:

1. Të jetë shtetas shqiptar;

2. Të mos jetë i përjashtuar nga Policia e Shtetit, strukturat e tjera të sigurisë kombëtare”;

3. Të ketë përfunduar arsimin e lartë;

4. Të ketë zotësi të plotë për të vepruar;

5. Të jetë në gjendje të mirë shëndetësore dhe i aftë fizikisht për të kryer detyrën;

6. Të zotërojë gjuhën shqipe të shkruar dhe të folur;

7. Të mos jetë i dënuar me vendim gjykate, të formës së prerë, për kryerjen e një krimi apo për kryerjen e një kundërvajtjeje penale me dashje;

8. Të jetë pajisur me vërtetimin e besueshmërisë;

9. Të plotësojë kriteret e tjera të veçanta.

Kritere të veçanta:

1. Të ketë përfunduar arsimin e lartë (Teknologji e Informacionit);

2. Të ketë një përvojë pune mbi 1 vit;

5. Të ketë aftësi të mira profesionale, komunikimi dhe të punës në grup.

Aplikanti të paraqesë, në Sektorin e Burimeve Njerëzore dhe Trajnimeve, dokumentacionin e mëposhtëm:

1. Formularin e aplikimit tip (bashkëlidhur këtij urdhri);

2. Fotokopje të kartës së identitetit;

3. Dokument zyrtar që vërteton përfundimin e arsimit, të noterizuar;

4. Certifikatë e gjendjes gjyqësore;

5. Vërtetim nga gjykata;

6. Vërtetim nga prokuroria;

7. Raport mjeko-ligjor;

8. Fotokopje e librezës së punës;

Punonjësi në pozicionin, Specialist i teknologjisë dhe informacionit/personeli, në Seksionin e Shërbimeve Mbështetëse dhe Administratës, në Komisariatin e Policisë Sarandë, kryen këto detyra specifike:

1. Standartizimi, evidentimi, dhe planifikimi i shpenzimeve per paisjet e Teknologjisë, mirëmbajtje dhe shfrytëzimit;

2. Monitorimin dhe ndjekjen e realizimit të shpenzimeve të mësiperme, regjistrimin, raportimin dhe vlerësimin e procedurave të planifikimit, konsumit, monitorimit dhe riplanifikimit;

3. Mirëmbajtja, menaxhimi të shërbimit të teknologjisë;

4. Protokollimin e shkresave, ruajtja dhe mirëmbajtja e regjistrave përkatës të korrespondencës;

5. Ruajtja e kontakteve me Strukturat sipas shërbimeve në njësinë shpenzuese dhe Drejtorinë e Teknologjisë, si dhe bashkëpunimin me gjithë sektorët e tjerë mbi çështjet e personelit të Komisariatit;

6. Regjistrimi në sistemin TIMS, në sistemin e menaxhimit, të gjithë personelin e Komisariatit, për dhënien e numrave unik për raportin e ngjarjes dhe bën vazhdimisht ndryshimet e nevojshme;

7. Bën planifikimin për paisjet dhe fondet finaciare që i nevojiten Komisariateve për funksionimin e sistemeve të T.I dhe ndjek realizimin e tyre;

8. Krijon, administron, mirëmban dhe plotëson, regjistrat, dosje personeli dhe kartela personale për administrimin e të dhënave personale për punonjësit e policisë, nënpunësit civil dhe punonjësit administrativ që janë në organikë të strukturës;

9. Evidenton dhe administron dokumentacionin për proceset disiplinore sipas Rregullores së Policisë së Shtetit;

10. Kryen çdo detyrë tjetër që i ngarkohet nga eprorët e tij.

Procesi i konkurrimit përfshin:

1. Jetëshkrimi i aplikantit (vlerësohet me 40 pikë);

2. Vlerësimi i intervistës së strukturuar me gojë (vlerësohet me 60 pikë).

Në qoftë se asnjë kandidat nuk merr 70% të pikëve, Komisioni i Vlerësimit vendos përfundimin e konkurrimit pa asnjë fitues të përzgjedhur.

Intervista zhvillohet më datë 05.05.2023, në ambientet e Drejtorisë Vendore të Policisë Vlorë .

Shkarko formularin tip: https://we.tl/t-32Unp0u0iN