Veterani i PD: Mandatin ta marrë Saranda, i takon Jolio Dines

Një shans për Sarandën

Nga Shkëlqim Selmani

Zhvillime trishtuese, por edhe interesante po ndodhin në grupin e deputetëve të Partisë Demokratike.

Baza mbështet në shumicë Doktorin, Vula mban me forcë vulën, Salianji sulmon vulën, disa deputetë kanë dhënë e po japin dorëheqjen.

Së fundi edhe një deputet i qarkut të Vlorës.

Në këtë kaos politik e folklorik, për Sarandën krijohet një shans për të patur një deputet nga qyteti ynë. Ëndërr e parealizuar për PD që prej 30 vitesh.

Me sa di unë Jolio Dine ka marrë vota më shumë edhe se deputetë që e kanë marrë mandatin aktualisht, ndaj do ishte shkëlqyeshëm që qyteti ynë ta kishte një përfaqësues vendas në kuvend.

Në se kjo realizohet, një zë i vërtetë qytetar, i ngrohtë e i përkushtuar për Sarandën, Ksamilin, Konispolin, Delvinën, e jo vetëm, do ishte jo vetëm nder e krenari për ne, por dhe një sinjal pozitiv në emergjencën kombëtare për bashkimin e Partisë Demokratike të Shqipërisë.