Si nisi sherri në Sarandë: “Kuletën ose jetën”, klientët refuzuan “faturën e kripur”, pronari me thikë në dorë i kërkoi pagesën

Detaje të reja janë mësuar nga ngjarja e paprecedentë e cila u regjistrua ditën e djeshme në qytetin bregdetar të Sarandës.

Në videot e publikuara dje, pronari i një lokali, i identifikuar si Alban Çova, ka pasur një përplasje me klientët.

Mësohet se motivi ka qenë “fatura e kripur.”

Klientët janë ankuar për faturën e shtrenjtë dhe kanë refuzuar të paguajnë, ndërsa   Çova, 48-vjeç mori një thikë dhe filloi t’i ndiqte në rrugë.

Pas ngjarjes 48-vjeçari është shpallur në kërkim nga policia.

Kjo nuk është hera e parë që ngjarje të shëmtuara ndodhin në Shqipëri, ku pak vite më parë Mihal Kokëdhima bëri të njëjtin gjest ndaj klientëve duke i sharë dhe kërcënuar, madje i ndoqi në rrugë edhe me makinë.