Makina del nga rruga dhe përplaset me shkëmbin anësor te Syri i Kaltër, 4 të plagosur

Aksident me pasojë katër të plagosur është regjistruar mesditën e kësaj të shtune në Sarandë.

Ngjarja ka ndodhur në rrugën Syri i Kaltër- Mesopotam, ku një makinë ka dalë nga rruga dhe është përplasur me shkëmbin anësor.

Burime bëjnë me dije se në automjet ishin katër persona, gjendja shëndetësore e të cilëve nuk dihet ende.

Mësohet se shoferi dhe pasagjerët janë nga Gjirokastra të moshave 19 dhe 25 vjeç, ndërsa dyshohet se shkak të jetë bërë shpejtësia tej normave të lejuara.

Policia dhe grupi hetimor ndodhen në vendin e ngjarjes dhe po punojnë për zbardhjen e plotë të shkaqeve të aksidentit