Basha reagon për ngjarjen në Gjirokastër: Dhuna ndaj grave, plagë e madhe sociale

Kreu i PD-së Lulzim Basha ka reaguar për ngjarjen e ndodhur sot në Gjirokastër, ku një 72-vjeçar leu me benzinë dhe i vuri flakën bashkëshortes së tij.

Basha shkruan në rrjetet sociale se dhuna ndaj grave është një plagë e madhe sociale që kërkon një kurë të shpejtë dhe se PD do të ndërmarrë hapa ligjorë konkretë për të frenuar këtë fenomen.

“Krim i tmerrshëm ai i ndodhur sot në Gjirokastër. Dhuna ndaj grave është një plagë e madhe sociale që kërkon një kurë të shpejtë, të thellë dhe gjithëpërfshirëse.

Është e papranueshme që dhuna të jetë pjesë e përditshmërisë, sidomos për gratë dhe vajzat që jetojnë në kushtet e varfërisë dhe varësisë ekonomike.

PD do të ndërmarrë hapa ligjorë konkretë për të forcuar mbrojtjen e nënave e vajzave dhe për të frenuar këtë fenomen që shkatërron familjet”, shprehet Basha.

Leave a Reply

Your email address will not be published. Required fields are marked *