Sarandë, Industria e krociereve, shtohet interesi i anijeve të mëdha turistike

Portet e Shqipërisë nuk janë ende në agjenda të sigurta të lëvizjes së turistëve me anije korciere, por së fundi përfaqësues të një kompanie spanjolle kanë ardhur në Shqipëri për të ofruar bashkëpunim me autoritet portuale me qëllim që anije të mëdha turistike të vizitojnë më shpesh brigjet tona.

“Të promovojmë një treg që përfshin portin e Sarandës dhe gjithë rajonin në industrinë e krociereve. Ne shpresojmë që projekti të miratohet përfundimisht, të kemi mundësin të sjellim anije me pasagjerë në qytet dhe të investojmë në ekonominë lokale. Ne do të punojmë në të gjitha hapësirat pasi ne synojmë të sjellim këtu disa kompani të ndryshme në disa ditë të ndryshme të javës gjatë sezonit”, tha Jiordi Kaballe, përfaqësues i MED-CRUISES.

Operatoret turistikë e shikojnë me interes shtimin e anijeve turistike ne portet shqiptare. Kjo, sipas tyre do të sillte fluks të  vizitorëve si dhe promovimin e vendit tonë në të gjithë botën.

“Së pari shtimi i krocireve që do të vijnë në portin e Sarandës edhe në portin e Vlorës. Kemi patur takime me prefektin dhe drejtuesit e porteve. Propozimet janë konkrete dhe mendoj se në një ardhme të shpejtë drejtuesit e porteve ju duhet të marrin një vendim. Shpresojmë të kemi një marrëveshje kur behët fjalë për një kompani serioze në fushën e krocierave”, deklaroi Arben Çipa, kryetar i Saranda Turisem-Industri.

Deri më tani në Shqipëri vijnë krociere të cilat qëndrojnë disa orë ose një ditë. Nisma e fundit pritet të shtojë ndjeshëm anijet e mëdha me turistë të huaj që do të vijnë në Shqipëri për të qëndruar disa ditë ose dhe më shumë. Por, para se të arrihet kjo do të kërkohet plotësimi i disa standardeve, si përshtatja e kalatave për ankorimin e anijeve, si dhe siguria në porte.

Leave a Reply

Your email address will not be published. Required fields are marked *