Finiq, Niko Kuri mbështet qytetarët dhe autoritetet vendore për investimet në infrastrukturë

Kandidati i PS mjeku Niko Kuri, ka përshendetur bashkëpunimin e qytetarëve të fshatit Sopik të bashkisë Finiq.

Qytetarët së bashku me autoritetet vendore po investojnë në realizimin e një investimi të rëndësishëm në infrastrukturën e brendshme

“Vlen për të përshëndetur por dhe mbështetur çdo nismë e komunitetit për të kontribuar në përmirësimin e kushteve të jetës në mjedisin ku banon.

U ndodha këto ditë në fshatin Sopik dhe pashë nga afër bashkëpunimin e përkryer të qytetarëve me autoritetet vendore të Finiqit në realizimin e një investimi të rëndësishëm në infrastrukturën e brendshme.

Banorët blenë 72 m3 beton dhe rrjetë hekuri ndërsa bashkia vuri në dispozicion makineritë dhe grupin e punëtorëve për shtrimin e këtij betoni.

Vepra u realizua me cilësi dhe me kosto më të ulët.

Përgëzime Sopiqotëve dhe bashkisë Finiq!”, shprehet Niko Kuri. /Sarandanews.com/