Mesazhi i fundit i mjekut nga Saranda: Të gjithë po bëjnë gjithçka për të më shpëtuar jetën…

Sot humbi jetën si pasojë e Covid-19 mjeku i njohur, Ilirjan Draçi.

Në datën 8 nëntor, mjeku i njohur kishte bërë një postim në Facebook, ku shfaqej me maskën e oksigjenit dhe falënderonte kolegët për përkujdesjen ndaj tij.

“Vazhdon beteja tepër e vështirë me virusin. Të gjithë kolegë, infermierë, sanitare, miq dhe shokë, po bëjnë gjithçka për të më shpëtuar jetën. Mbani maska, ruani distancën, lani duart. Një gabim i vogël, ju kushton jetën. Beteja vazhdon…”, shkruante mjeku.

Draçi ishte njëherësh dhe drejtues i Qendrës Shëndetësore nr.1 në Tiranë, e njohu ndryshe si Ambulanca Iraniane.