Gjendet një pako e dyshimtë, rrethohet Pallati i Kulturës në Vlorë
Një pako e dyshimtë me lëndë eksplozive është gjetur pak minuta më parë në qytetin e Vlorës, gjë që ka alarmuar forcat e policisë të qytetit bregdetar.
Pakoja e dyshimtë është gjetur pranë Pallatit të Kulturës, ndërkohë që forca të shumta policie kanë rrethuar zonën dhe kanë larguar qytetarët e pranishëm.
Dyshimet janë shtuar për lëndë eksplozive pasi në pako është gjetur e ngjitur dhe një telefon celular.
