Armina Mevlani e Shkëlzen Berisha, pushime luksoze me jahtin e Dulakut dhe vilën e tij në Keep Merli

Armina Mevlani dhe Shkëlzen Berisha po shijojnë pushimet luksoze mes Sarandës e Korfuzit.

Të shtunën ata u vendosën në vilën luksoze të ndërtuesit të njohur, Artan Dulaku në Keep Merli, ku një natë kushton 2 mijë euro.

Foto nga vila e Dulakut

Po ashtu ai ka vënë në dispozion jahtin e tij luksoz për të udhëtuar në Greqi.
Armina dhe Shkëlzeni, këtë të dielë lundruan me jahtin e pangatërrueshëm të Dulakut dhe pushuan në Korfuz. Një klauzolë e shtetit helen lejon jahtet luksoze nga Shqipëria të hyjnë në Greqi, pavarësisht Covid-it.

Pamje nga jahti i Dulakut në Keep Merli, e hënë, 3 gusht

Të hënën në mbrëmje jahti u ankorua në Keep Merli dhe ata zbritën, per t’u vendosur në vilën luksoze.

Të martën, sipas burimeve të dritare.net, nga ekuipazhi, jahti do të jetë sërish në dispozicion të çiftit.

Pas këtij udhëtimi mbresëlënës, biznesmenit të njohur do t’i hiqet nofka Dondollaku, siç Berisha e ka quajtur shpesh në përmendjet e tij./dritare.net