Replika për falsifikim firmash, deputeti “xhentëlmen” nga Saranda: Më dhimbte dora, unë jam deputet fuqiplotë

Deputeti Adriatik Alimadhi ka akuzuar në mbledhjen e sotmë të Komisionit për çështjet Ligjore, kreun e grupit parlamentar demokrat Myslim Murrizi, se ka falsifikuar firmat e deputetëve firmëtarë nga opozita parlamentare për ndryshimet kushtetuese.

Ai replikoi me tone të ashpra me drejtuesen e kësaj mbledhje, duke thënë se është i përgjegjshëm për deklaratën e tij dhe është i gatshëm ta vërtetojë edhe në rrugë ligjore.

Në këtë moment në mbledhje ka ndërhyrë edhe vetë deputetit Kostaq Papa, firma e të cilit, sipas Alimadhit, është hedhur nga dikush tjetër, ndonëse vetë Papa e tërhoqi më vonë firmën.

Papa tha se do të firmosë sërish mbi emrin e fshirë, duke e çuar në 29 numrin e firmëtarëve. Ai u shpreh se është dakord me këtë qëndrim dhe nuk ka rëndësi nëse e ka firmosur vetë apo jo për shkak të pamundësisë fizike.

Alimadhi: Merreni verifikojeni firmën e Kostaq Papës.

Murrizi: Nuk është Kostaq Papa te lista e firmëtarëve.

Alimadhi: Firmat aty janë hedhur me telefon nga një deputet Ka dhe deputetë në atë listë që janë firmosur nga një deputet. Dua që asnjë e drejtë të mos shkelet. Si firmos një deputet në emër të një tjetri. Nuk mund të firmoset me telefon.

Hysi: Ju duhet të kërkoni ndjesë pasi po fyeni deputetët.

Alimadhi: Nuk dua të më bëni gjyqin. Nuk jam nga ata burra që tërhiqem për një gjë që kam thënë. Unë po them për nismën që kanë marrë, jo që janë të papërgjegjshëm. Krahasimi i dy firmave të Papës është e shpërndarë në rrjetet sociale. Ju zonja Hysi nuk mund të hidhni baltë mbi mua. Mos ma bëni më këtë. Respektoni të drejtat e njeriut. Jam i ndërgjegjshëm. Nëse ju doni përballemi në institucionet e drejtësisë për verifikimin e dy firmave. Firma e Kostaq Papës është ndryshe.

Kostaq Papa: Doja të theksoja disa gjëra. Unë jam një deputet fuqiplotë dhe gjithçka që bëj, e bëj me ndërgjegje të plotë. Unë veproj dhe në forma të tjera. Kur bëhet fjalë për çështje kohe, mund të përdorim 101 forma për të ndikuar. Unë jam dakord për firmën time dhe nuk kam nevojë për avokat. Pas juridikut, kam mbaruar doktoraturën për të drejtën ndërkombëtare. A ka mundësi të ndikojmë për të çuar Shqipërinë në BE.

Nuk ka lidhje nëse ka firmosur dikush tjetër. Unë do ta firmos edhe njëherë mbi emrin tim, për herë të dytë. Ne do lëmë hapur shtegun për të ndikuar për të gjetur një konsesus për të ndryshuar sistemin. Nuk është çështja se hodha një firmë të shtrembër apo ma hodhi shoku sepse më dhimbte dora. Unë do ngjitem lart dhe do firmos.

Leave a Reply

Your email address will not be published. Required fields are marked *