Policia dhe Delta Forcë ”zbarkojnë” në Vlorë

Plazhi është i ndaluar por shqiptarët në këto ditë të nxehta janë parë më shumë të shkelin rregullat dhe të shkojnë në det.

Policia e Vlorës, Delta Forcë të mbështetur dhe nga Policia Kufitare, këtë të shtunë janë përqendruar në bregdetin e jugut kryesisht ne plazhet e Borshit, Dhërmiut etj, duke mos lejuar qytetarët të hyjnë në det apo të qëndrojnë në zonën e rërës. .

Ky aksion për mos lejimin e qytetarëve bëhet për të treguar se edhe pse fundjavë nuk do lejohet askush të bëjë plazh përgjatë rivierës së jugut, të paktën deri në një njoftim të dytë.