Dritan Leli intervistë për mediat italiane: Ejani me pushime, Vlora ju mirëpret
Stenda e qytetit të Vlorës ka qenë një nga më të frekuentuar nga turistët e huaj gjatë panairit që u zhvillua në Itali në Leçe.
Stenda e Vlorës tregon postera të mëdhenj në mure, dritare të vërteta me pamje nga bukuria natyrore e asaj zone, dhe me tabela të mbushura me broshura dhe produkte tipike, veçanërisht verë dhe raki shqiptare.
I pranishëm në këtë event ishte dhe kryetari i bashkisë së Vlorës, Dritan Leli, i cili e ka promovuar Vlorën në intervistën e dhënë në mediat italiane.
“lora është një qytet që ka ndryshuar thellësisht në pesë vitet e fundit. Ne kemi bërë shumë investime në infrastrukturë që kanë ndryshuar rrënjësisht pamjen e qytetit tonë. Ne kemi krijuar një shëtitore të bukur, plot me palma, me një shëtitje prej më shumë se katër kilometrash.
Njerëzit mund të ecin pranë detit, të ndalojnë për t’u freskuar në restorante dhe bare moderne, të vizitojnë shumë vende të tjera të bukura që janë afër.
Është një qytet që ka ndryshuar me shpejtësi vitet e fundit, por ka ende një ofertë të fortë për tu zhvilluar, sepse ekzistojnë mundësitë, ekziston tradita dhe natyra ndihmon në një mënyrë fantastike. Ka të gjitha potencialet për tu bërë një destinacion turistik”, shprehet Leli për mediat italiane.
“Ne e ndërtuam qytetin tonë me idenë për të patur një marinë për të gjithë Shqipërinë dhe për vendet e tjera të Adriatikut, në veçanti për Italinë dhe Puglia, duke pasur parasysh afërsinë tonë.
Kjo është arsyeja pse ne jemi këtu. Kemi ardhur në Itali për të paraqitur ofertën tonë turistike, për ta prezantuar qytetin tonë tek italianët, të cilët vitet e fundit janë gjithnjë e më prezente në sheshet tona. Dhe do të doja të dërgoja një ftesë, për të gjithë ata që po mendojnë të organizojnë pushimet, të vijnë në Vlorë, edhe sepse është një vend kaq afër Italisë, vetëm katër deri në pesë orë nga Brindisi, për të mbërritur në qytetin tonë, që është vendi për të zbuluar”, vijon Leli.
I pyetur për sigurinë Leli tregon:
“Në këtë drejtim unë do të doja të tregoja një histori të bukur me një gjeneral të vjetër, i cili vinte shpesh në Shqipëri dhe bënte udhëzues turistikë me anije me vela.
Ai, një njeri 75 vjeç, mbaj mend, i cili qëndronte çdo verë në Orikum, dhe më tha:
“Orikumi është 25 kilometra nga Vlora, edhe nëse dal në 10 të mëngjesit, marr biçikletën time për të shkuar pesë kilometra për të blerë diçka, asgjë nuk më ndodh. Unë nuk mund ta garantoj këtë në periferi të Romës ose Milano ose në ndonjë vend tjetër në Itali “.
Në lidhje me ofertën e shërbimeve, Leli shprehet:
“Shërbimet janë gjithashtu në zhvillim të madh. Gastronomia në qytetin e Vlorës është ndër më të mirat në Ballkan, në shumë restorante mund të shijoni kuzhinën tipike të qytetit tonë. Shërbimet e akomodimit gjithashtu po përmirësohen përgjithësisht.
Sigurisht që ato nuk janë akoma si të disa qyteteve italiane, të tilla si Milano, për shembull, por ne po bëjmë hapa të vegjël por të sigurt përpara”, mbyll Leli. /Sarandanews/
