Koronavirusi në Shqipëri, shkon në 518 numri i personave të prekur
Ministrja e Shëndetësisë, Ogerta Manastirliu ka bërë të ditur se ka shkuar në 518 numri i personave të prekur nga koronavirusi në Shqipëri, nga të cilët 25 persona kanë ndërruar jetë.
Në 24 orët e fundit janë konfirmuar 24 raste të reja.
“Kemi 518 persona të prekur me koronavirus”, kështu njoftoi ministrja e Shëndetësisë Ogerta Manastirliu në Kuvend.
“Sot Shqipëria raporton 518 persona të prekur me koronavirus. Numri i të shëruarve është më shumë se të infektuarit aktiv. Kemi arritur të sheshojmë kurbën epidemike.
Po punohet për gjetjen e të gjitha rasteve të kontaktit. Kemi hyrë në fazën që duhet të mendojmë për rihapjen.
Vetëm 14% e kapacatiteti është i zënë, kemi 24 raste të reja në 24 orët e fundit dhe 9% e stafit spitalor është e prekur”, tha Manasterliu.
