Fushatë e zbehtë e PD në Sarandë: Pamjet e publikuara tregojnë mungesë mbështetjeje

Partia Demokratike në Sarandë po zhvillon një fushatë elektorale që, bazuar në pamjet e publikuara nga vetë drejtuesit e saj, duket mjaft e dëshpëruar. Takimet e deputetes Ina Zhupa dhe eksponentëve lokalë të PD-së në salla konference apo kafene reflektojnë qartë një rënie të mbështetjes ndaj tyre.

Në krahasim me kundërshtarin politik, i cili po zhvillon një fushatë intensive dhe të organizuar në çdo cep të qytetit, PD duket se po has vështirësi në mobilizimin e mbështetësve të saj.

Kjo situatë ka sjellë edhe reagime të ndryshme nga votuesit, të cilët shprehen se opozita në Sarandë po humbet terren për shkak të mungesës së një strategjie të qartë dhe angazhimit të dobët në terren.

A do të arrijë PD të ndryshojë qasjen e saj përpara zgjedhjeve apo trendi i rënies do të vijojë? Mbetet për t’u parë në ditët në vijim. /Sarandanews.com/