Gazetarja zbulon provat e Prokurorisë për Fredi Belerin, Vangjel Dule braktis emisionin

Një debat me gazetaren e kronikës Klodiana Lala, është bërë shkak që Vangjel Dule të braktisë studion e emisionit “Open”, ku dy ishin të ftuar. Lala ka nxjerrë dokumentet dhe provat e pretenduara nga Prokuroria, kundër shtetasit Fredi Beleri.

Dule i cilësoi deklaratat e zonjës Lala, mashtrim skandaloz dhe si përralla fëmijësh.

Sipas tij faktet e cituara nga Lala nuk korrespondojnë me atë që ndodhet në dosje, ndërsa gazetarja ka deklaruar se nuk ka përmendur asgjë që nuk ndodhet në dosje, ndërsa ka kërkuar edhe kërkim falje nga ana e tij për fyerjen.

Lala: Prokuroria thotë pasi janë dorëzuar paratë është bërë arrestimi. Nëse do ishte për mua nuk Fredi Beleri nuk do të duhej të ishte kandidat

Dule: Nuk do qëndroj asnjë moment më tepër nëse nuk më lejoni të flas, nuk jam këtu për dekor.

Dëgjoj mendime se dikush nuk duhej të kandidonte se ka dyshime. Të gjithë mund të kenë dyshime për të gjithë.

Lala: Ka qenë i pandehur zoti Dule.

Dule: Faleminderit shumë, vijoni, bisedë të mbarë.

Eni Vasili: Nuk i ka hije një politikani si ju.