Konispol, aksidentohet rëndë 22- vjeçari: Dërgohet me helikopter drejt Tiranës

Një 22- vjeçar nga Konispoli është transportuar me helikopter drejt Tiranës pas një aksidenti të rëndë me motorr.

“Më datë 06.06.2022, në rrugën “Çukë-Konsipol”, shtetasi A. S., 22 vjeç, banues në Shëndëlli, Konispol, duke drejtuar motomjetin ka humbur kontrollin dhe është rrëzuar.

Si pasojë është dëmtuar shtetasi A.S., i cili është dërguar në spitalin e Tiranës, për mjekim më të specializuar.

Grupi hetimor ndodhet në vendngjarje dhe po punon për përcaktimin e shkaqeve të aksidentit”, njofton policia.