Vlorë/ Qëndruan të hapura, policia gjobit tre lokale dhe një këmbësorë

Policia e Vlorës ka gjobitur tre lokale në qytet, pasi nuk kanë mbyllur aktivitetin e tyre në bazë të urdhrave të qeverisë, për vënien në kontroll të pasojave që sjellin përhapjen e COVID-19.

Sipas policisë, të tre lokalet kanë marrë masë administrative me gjobë 100 000 lekë.

Edhe një këmbësor është gjobitur, pasi vendosi të lëvizë në këmbë pas orës 18:00.

“Në zbatim të masave kufizuese të shpallura nga Qeveria Shqiptare, për vënien në kontroll të pasojave që sjellin përhapjen e COVID-19, nga ana e Seksionit të Rendit në Komisariatin e Policisë Vlorë, gjatë kontrollit të qytetit për zbatimin e Telegramit të Drejtorit të Përgjithshëm të Policisë Shtetit me Nr. 1952 Prot. datë 10.03.2020 për “Mos lejimin e grumbullimeve në ambjentet e hapura dhe të mbyllura”, si dhe aktit normativ Nr. 3 datë 15.03.2020, gjatë ditës së djeshme janë konstatuar lokale të hapura si më poshtë:

• Lokali nën administrimin e shtetasit E.F., 54 vjeç, me emërtimin “Bar-kafe”, në lagjen “1 Maji” Vlorë, ka marrë masë administrative 100 000 lekë.

• Lokali nën administrimin e shtetasit R.S., 56 vjeç, me emërtimin “Bar-kafe”, në lagjen “24 Maji”, Vlorë, ka marrë masë administrative 100 000 lekë.

• Lokali nën administrimin e shtetasit J.S., 33 vjeç, me emërtimin “Bar-kafe”, në lagjen “Pavarësia”, Vlorë, ka marrë masë administrative 100 000 lekë.

Për të tre këta shtetas u përpiluan proces–verbalet mbi kundravajtjen administrative, për shkelje të pikës 7, neni 3, të Aktit Normativ Nr. 3, datë 15.03.2020.

Njëkohësisht u përpilua proces–verbali mbi kundravajtjen administrative, për shkelje të pikës 17, neni 3, të Aktit Normativ Nr. 3, datë 15.03.2020, të ndryshuar, pasi shtetasi G.K., 38 vjeç, nuk ka zbatuar urdhrin e dhënë nga organet kopetente për ndalimin e lëvizjes për këmbësorët sipas orarit të përcaktuar, ku masa administrative kundrejt tij është 10 000 lekë.

Policia iu bën thirrje qytetarëve t’u binden ndalesave të përcaktuara dhe të kufizojnë sa më shumë lëvizjet, për të mirën e përbashkët”, thuhet në njoftimin e policisë së Vlorës. /Sarandanews/