Gjykata vendos karantinë për qytetarët që duan të vijnë nga Greqia

Gjykata Administrative e Apelit rrëzon kërkesën e LSI për heqjen e karantinës 14 ditore për emigrantët që vijnë nga Greqia dhe Maqedonia e Veriut, vendim i Komitetit Teknik të Ekspertëve.

Dje, Administrativja pasi ka parë padinë e depozituar nga LSI, ka shpallur moskompetencë, duke lënë automatikisht në fuqi vendimin e Komitetit. Sipas Administratives, ky vendim nuk është në kompetencat e saj.

Avokati i Popullit dhe Presidenti Ilir Meta kanë reaguar për vendimin e Komitetit, duke e quajtur atë një veprim të paligjshëm për të penguar emigrantët të votojnë. Ata kanë kërkuar që ai të shfuqizohet.

Padia e LSI i kaloi për shqyrtim Kolegjit Zgjedhor, dhe përmes shortit është zgjedhur dhe kreu i trupës gjykuese për këtë padi. Gjyqtari që shqyrtoi ankimimin e LSI ishte Ardian Dvorani. Sot, Apeli i Gjykatës Administrative ka rrëzuar kërkesën e LSI duke lënë në fuqi vendimin e Komitetit.

Të gjithë emigrantët që vijnë nga Maqedonia e Veriut dhe Greqia, do bëjnë karantinë 14 ditore.